• بازگشت به صفحه اصلی
  • بازگشت به صفحه اصلی
  • ایرگش اوچقون حیاتی وایجادی باره سیده قیسقه معلومات

    Mijn foto
    آتش نفس شاعرحاجی ایرگش اوچقون حیاتی وایجادی باره سیده قیسقه معلومات شاهیمردانقل بای اوغلی حاجی ایرگش اوچقون، خراسان یاکی افغانستان نینگ ایسکی باشکینتی بولگن اندخوی شهری نینگ آق مسجد محله سیده ۱۹۲۷ – نچی میلادی ییلده دنیاگه کیلدی. ۲۰۰۹ -نچی ییل نینگ می آییده آغیر خسته لیکلر طفیلی ۸۲ یاشده تورکیه دیاریده جهاندن کوز یومدی. یاتگن جایلری جنت بولسین. آمین یارب العلمین آتش نفس شاعرحاجی ایرگش اوچقون حیاتی (مطلب دی دوامی نی اصلی صحیفه گه اوقوب بیلرسیز)

    woensdag 10 juni 2009

    اوزبیک معاصر ادبیاتی نینگ مستحکم ستون لری دن ینه بیری قوله دی ، و اونی ییر اوز بغری گه تارتدی.

    فیض الله قرداش – کابل ، افغانستان

    اوچقون دن خاطره:

    اوزبیک معاصر ادبیاتی نینگ مستحکم ستون لری دن ینه بیری قوله دی ، و اونی ییر اوز بغری گه تارتدی.

    ایرگش اوچقون افغانستان نی شمالی ولایت لری ، اینقسه ایکی عصر دن بیری اوز تیل و تاریخی ایاغ آستی بولگن اوزبیک - ترکمن خلقی ، اویغنشی اوچون سکیز دهه عمری نی خوارلیگ ، یوق سیز لیک و خلق دردی نی چید ش بیلن یشه دی ،اما بیر زوم هم تینچ تورمی ( اولمه اوزینگ دن قالمه ) دیگن مقال نی چیپپکگه چیقریب اوز دوریده گی باتورلرچه ، اونگه قرشی بولگن حاکم و عملدار لر پوپیسه لری دن قورقمی قلم تیبرتدی .

    او در حقیقت اوچقون ایمس بلکه النگه سی کوک گه کوتریلگن الو ایدی که زمانداشلری ، اینقسه ضیا لیک لر و اوشه دور ( جدیدی ) لرینی قایل قالدیردی ،اما مینگ افسوس کیم ایریم زمانداشلری مادیات گه بیریلیب اونی یمانلب یشش شرایطی نی تار ایتی لر و اگر مهاجرت ایتمه گن تقدیری ده کابل نی دهمزنگ قماقخانه سیده عمر باد قالیب کیترایدی .

    اوچقون توغیلگن یورتی اندخوی دن کیتگنی ده من جوده یاش ایدیم اونی شعر و یازو لری بیلن که مستعار نام لر بیلن ستوری جریده سیده نشر بولر ایدی اورته مکتب ده اکه سی دولت مراد قریه دار ( دودی قریه دار ) وسیله سی بیلن آشنا بولدیم .

    موندن چمه سی اوتوز ییل آلدین اوچقون ترکیه دن افغانستان گه قیتیب کیلگنی ده ، اونی یاوغدن کوریش گه مشرف بولدیم و یقین قوشنی بولگنیم اوچون بیر نیچه کون صحبت لری دن فایده لنیب فکرو ملاحظه لری گه آشنا بولدیم .

    اوچقون کوچلی منطق ایگه ، فکری دن قیتمس و اینقسه یوق سیز عوام خلق دردی نی چقور حس قیلگن ، تورکی خلق تاریخی گه دانا ، یازیش ده تکلف سیزو ادبی صنعت لرگه لا قید راغ بولیب معنی و توشینچه لرنی آغور سوز لرگه فدا قیلمی کیلگن یازوچی ایدی .

    استاد محمد کریم نزیهی ( جلوه ) دن اوچقون حقی ده سوره گنیم ده شوندی دیگن ایدی لر: ( اوچقون مشروطیت دورینی شمالی ولایت لرده یانیب تورگن مشعل ، اما افسوس که خایین لر دستی دن وطن نی ترک ایتیش گه مجبور بولیب کوپگینه نیت لری عمل گه آشمی قالدی ....).

    مرحوم استاد نزیهی سوز لری گه کوره ، فیودالی مناسبت لر و اوشه زمانده ترکی خلق گه قرشی اینگ اشددی ناسیونالیستیک سیاست طفیلی ، نه فقط اوچقون بلکه بشقه اولکه سیور و ملی کیشی لرهم بو جنایت لردن امانده قالمی هر بیری سی اوز اورنیده ینچیلدی .

    اوچقون اوز حس و تویغو لر ی نی خلق تیلی ده ، ساده و توشینرلی سوز لر و اصطلاح لرارقه لی نظم و نثر گه چیزگن کیم ( بچه غر ) کبی شعر لری اونگه گواه.

    وادریغ کیم کوپگینه درد لری اوزی بیلن کیتدی و سوزی گه بناء ( ییر تگیده یاشرون سوزنده ولقانینگ بولی ) بو ولقان هم اوچدی ، اما حرارت و اسیغلیگی نی حس قیلگن لر هنوز هم آز ایمس .

    اوچقون خلق داستانلری ، محلی آغزه کی ادبیات و ملی ژانر لردن فایده لنیب ایجاد ایتگن .

    اوچقون نینگ ینه بیر صفتی شو ایدی کیم ایرم منطقه لرده ایرته لیگی بار ترکی ( اوزبیک ترکمن ) تیل و لهجه و شیوه لری نی چقور اورگنیب کیم قنچه اصطلاح لرو مقال لر نی ایشله تیب اولرگه تینگ حرمت قیلر ایدی .

    ایرگش اوچقون اولیمی فقط گینه افغانستان خلقی ایمس بلکیم ترکیه ، اورته آسیا و امریکه ده یشیدیگان ترکی خلق لر اوچون کته الم و ضایعه بولدی .

    من ایتماقچی من کیم :

    یا ت آرام ال( بچه غر) !

    سین گیزگن یول ، سمان یولی کبی ابدی دیر

    سینی اونوتیش تاریخ پرچه سینی اونوتیش دیر

    سن فداکار

    سن باتور سن

    سینی شعرینگ - شعر !

    سینی تویغوینگ بیزگه رهنما

    سین یوتتینگ

    سیند ن قالگن میراث

    کیله جگ نسل اوچون توگنمس بای لیک ! !

    Geen opmerkingen:

    Een reactie posten

     
  • بازگشت به صفحه اصلی