• بازگشت به صفحه اصلی
  • بازگشت به صفحه اصلی
  • ایرگش اوچقون حیاتی وایجادی باره سیده قیسقه معلومات

    Mijn foto
    آتش نفس شاعرحاجی ایرگش اوچقون حیاتی وایجادی باره سیده قیسقه معلومات شاهیمردانقل بای اوغلی حاجی ایرگش اوچقون، خراسان یاکی افغانستان نینگ ایسکی باشکینتی بولگن اندخوی شهری نینگ آق مسجد محله سیده ۱۹۲۷ – نچی میلادی ییلده دنیاگه کیلدی. ۲۰۰۹ -نچی ییل نینگ می آییده آغیر خسته لیکلر طفیلی ۸۲ یاشده تورکیه دیاریده جهاندن کوز یومدی. یاتگن جایلری جنت بولسین. آمین یارب العلمین آتش نفس شاعرحاجی ایرگش اوچقون حیاتی (مطلب دی دوامی نی اصلی صحیفه گه اوقوب بیلرسیز)

    zaterdag 20 juni 2009

    استاد ایرگش اوچقون نینگ قوییده گی عیدی { نامه سی، شاه دوریده گی ظلم - قیناقلردن } الهامله نیب، بیتگن غمنامه دیر. عیدی بَیره مینگ بؤلسین مبارک ای مسلم

    استاد ایرگش اوچقون نینگ قوییده گی عیدی { نامه سی، شاه دوریده گی ظلم - قیناقلردن } الهامله نیب، بیتگن غمنامه دیر.
    عیدی
    بَیره مینگ بؤلسین مبارک ای مسلمان بچچه غر
    اؤی ایچینگنی تنگری قیلسین، شادو خندان بچچه غر
    مینگ بیش یوز ییلدن بیری، روزه تؤترسن آچ
    - آچ
    کهف ایلیدیک قؤپقؤریق، سونگگه کی قالگن بچچه غر
    اجره تالمه ی روزه بیرلن بیر سؤریک بؤش کؤزه نی

    تینگری بیرگن بؤیروغیگه، بؤلدی پُشمان بچچه غر
    پس ایسینگنی باشدین آلدی ،کیف نصوار روزه ده
    خاتینینگنی قَمچیله ب، قیلدینگ پریشان بچچه غر
    معنی سینی بیلمه یین قرآن اؤقیب، قیلدینگ نماز
    خانقاه محرابیده،ایردینگ غزلخوان بچچه غر
    آت بیلن ایششک اؤغیرله ب، حاجی بؤلدینگ عاقبت
    مکه ده پیرینگگه تاش آتدینگمی شیطان بچچه غر؟
    کیم لیگینی بیلمه گن،البتته بیلمس رببینی
    تاریخیدن بیخبر،آشفته سرسان بچچه غر
    اؤزنی بیلمه ی اؤزگه لرگه یالبریب، بؤلدینگ گدا
    گرچه ایردی ییتتی پُشتینگ خان وخاقان بچچه غر
    قؤردیلر آبا و اجدادینگ فلکلر علمینی
    ایمدی سن کؤککه قره ب،آغزینگ آچیلگن بچچه غر
    نیرده قالدی اُول گؤنینگ، آت اوستیده کوکرر ایدینگ؟
    ایمدی قؤرقیب بؤینیگه، نورنامه تاققن بچچه غر
    آچ کؤزینگنی نیرده ایردینگ، نیرده قالدینگ،نی اوچون؟
    آدم وحوا کبی جننت نی ساتگن بچچه غر
    نیرده بیکلیک،نیرده خانلیک،نیرده شمشیر،نیرده آت؟
    نیرده بَیراق، نیرده ساچماق،نیرده قؤرغان بچچه غر
    حق– عدالت،حرییت دیب،آلده تیلدینگ دایما
    نیرده حق،نیرده عدالت، نیرده انسان بچچه غر ؟
    خلق ایش سیز،خلق کوچسیز،خلق یالانغاچ،خلق آچ
    خلق بیر زُمره اؤچون،خیل غُلامان بچچه غر
    ینگی قانون اساسی،ایسکیسیدن فرق سیز
    سحرباز دیک ایسکیلرنی ینگی قیلگن بچچه غر
    سَیله نورلر حُکمدارلر،خلق اراسیدن ولیک
    بیزده گیلر آنه دین لیدر تؤغیلگن بچچه غر
    شکل دولت شاهی مشروطه،لیکن شرط یؤق
    مُطلقییت تختیده ،مشروطه سلطان بچچه غر
    شاه حاکم،شاه مختار،غیر مسوول،مقتدر
    مالک مُلک اُمم،ای رب افغان بچچه غر
    ینگی قانون امتیاز بیرمس کشیگه زُمره گه
    لیک اُول سردار عالی ،سن پَپوسخان بچچه غر
    ینگی قانونده کیشیلر ،بندی بؤلمس بی سبب
    ای گناه سیز،جُرم سیز،زندانده یاتگن بچچه غر
    اؤن شبرغانلیک یاقیلدی،تیب
    - تیریک کیم سؤره گه ی؟
    قَیسی قاضی،قیسی مُفتی،قیسی دیوان بچچه غر
    ینگی قانونده سیاحت هر کیشی نینگ حقیدور
    یوریبان پاسپورت اوچون، بیش آی یؤگؤرگن بچچه غر
    تیگره
    - تاشینگگه ییغیلدی تؤلکیلر،لاش قرغه لر
    ایرغی ای گرگ درنده،کؤکره ارسلان بچچه غر
    حق بیریلمس،حق آلینگه ی ، حق اؤچون اؤلمک کیره ک
    هم شهید هم غازی دور،حققه قاووشگن بچچه غر
    قیغؤلر بیتمس
    - تؤگنمس،تینگریدن کیسمه امید
    بیل که « اوچقون» کؤپ یقین دور عید قُربان بچچه غر
    ***
    یبارگن:
    ففتا خبرنگاری کانادا نی تورنتو شهری دن

    1 opmerking:

    1. السلام علیکم
      سیزدی وبلاگیز که جده یخشی مطلب لر درج بولگن بو مقاله لریز دی اوقیب جده خرسند بولدیم
      اما سیزدی وبلاگیز دیزاین بولگن یوق اگر دیزاین لری کیرک بولسه مین بیلن تماس آلینگ سیزگه رایگان بیره من
      0093790017202 0093744600331
      Rahmansite1@gmail.com
      facebook.com/Bilgiaf
      www.ozbekcha.com
      www.Aamaj.net
      Info@ozbekcha.com
      Info@aamaj.net

      BeantwoordenVerwijderen

     
  • بازگشت به صفحه اصلی